Rafræn skilríki í farsímanum eru alltaf bundin SIM-kortinu en ekki símanúmerinu. Ef þú glatar SIM-kortinu þínu eða færð nýtt SIM-kort þá þarftu að virkja rafrænu skilríkin aftur. Hægt er að virkja rafræn skilríki í næstu verslun Símans og ef þú hefur ekki tök á að kíkja á okkur þá getur þú einnig haft samband við Þjónustuver Símans í 550-6000 og við sendum nýtt SIM-kort til þín.

Ef þú ert að flytja símanúmerið þitt til Símans frá öðru fjarskiptafélagið þá geturðu virkjað skilríkin þín heima í stofu. Láttu okkur bara vita þegar þú biður um flutninginn og starfsmaður Símans setur ferlið í gang. Ferlið er einfalt. Eina sem þú þarft er tölva, símtækið og gamla og nýja simkortið. Við látum þig svo vita með sms skeyti þegar þú getur byrjað flutninginn. 

Stillingar fyrir streymi eru fyrir margmiðlunarefni (hljóð og mynd) sem streymt er í símann, t.d. YouTube myndbönd eða sjónvarp í símann.

Heiti tengingar: Nafn aðgangsstaðar (APN)

Síminn MMS: internet

Til að fá rafræn skilríki í farsímann þarf SIM-kortið þitt að styðja þjónustuna. Þú getur athugað hvort SIM-kortið þitt styðji rafræn skilríki hér.
Ef kortið þitt styður ekki rafræn skilríki komdu þá við í næstu verslun Símans og við græjum það fyrir þig. Ef þú hefur ekki tök á að kíkja á okkur þá getur þú einnig haft samband við Þjónustuver Símans í 5506000 og við sendum nýtt SIM-kort til þín.

Þú notar innifaldar mínútur og sms þegar þú ert í útlöndum og ert í Reiki í Evrópu landi hvort sem þú hringir í íslensk númer eða í númer innan RE landa. Ef þú ert í áskriftarleið með engri innifaldri notkun er greitt samkvæmt verðskrá áskriftarleiðar.

Takmarkanir eru á hversu mikið gagnamagn má nota og fer það eftir áskriftarleið. Ef innifalið gagnamagn klárast þegar viðskiptavinur er staddur í erlendu neti er gjaldfært 0,28 kr fyrir hvert 1 MB. Það þýðir að 1024 MB kosta 287 kr. Innifalið gagnamagn getur klárast á tvo vegu, með því að klára erlent gagnamagn eða innifalið gagnamagn í áskriftinni.

Ef þú ert í áskriftarleið með engu inniföldu gagnamagni er greitt 0,28 kr fyrir hvert 1 MB sem notað er erlendis.

Ef hringt er til annarra landa utan EES er mínútuverðið 156 kr. ef viðskiptavinur er staddur í EES landi.

Sjá lista yfir áskriftir og innifalið gagnamagn í spurningunni
"Hvað er sanngjörn notkun (e. Fair use policy) ?"

Ávallt er hægt að sjá hversu mikið má nota erlendis í Símaappinu eða með því að hafa samband í Netspjalli eða 550-6000.

Frelsi virkar í útlöndum alveg eins og heima á Íslandi en sú breyting varð á þann 1 mars 2021.

Ef ferðast á til landa utan EES geta viðskiptavinir skráð sig í útlandaþjónustuna Frelsi í Útlöndum. Símnotkun erlendis utan EES er þá greidd eftir á skv. reikiverðskrá.

Öll lönd sem eru hluti af EU/EES eru hluti af Reiki í Evrópu.

‍Hægt er að sjá hversu mikið GB er innifalið í þinni áskrift í verðskrá fyrir farsíma- og netáskriftir.

• Austurríki
• Belgía
• Búlgaría
• Danmörk
• Eistland
• Finnland
• Frakkland
• Franska Gvæjana
• Færeyjar
• Grikkland
• Gvadelúp
• Ungverjaland
• Írland
• Ítalía
• Króatía
• Kýpur
• Lettland
• Liechtenstein
• Litháen
• Lúxemburg
• Malta
• Martiník
• Mayotte
• Holland
• Noregur
• Pólland
• Portúgal
• Réunion
• Rúmenía
• Slóvakía
• Slóvenía
• Spánn
• Svíþjóð
• Saint Martin
• Saint Barthélemy
• Tékkland
• Þýskaland

Ef barnið þitt er nú þegar með Frelsiskort hjá Símanum getur þú klárað skráningu á Krakkakorti á þjónustuvefnum. Hafðu samband við okkur í 5506000 ef þig vantar Frelsisnúmer frá Símanum eða vilt flytja númerið þitt yfir til okkar.

Til að virkja Krakkakortið þarftu að skrá þig inn á Þjónustuvefinn. Bæta við Krakkakorti

Athugið að Frelsisnúmerið verður að vera skráð á barnið þitt áður þú skráir númerið sem Krakkakort.

Fyrir utan hefðbundið Frelsi þá mælum við með Krakkakorti. Krakkakortin er hugsuð fyrir börn yngri en 18 ára og kosta ekkert aukalega. Börnin geta hringt og sent SMS endalaust innanlands og fá 2 GB (þar af hægt að nýta 1 GB innan EES landa) en auðvelt er að bæta við gagnamagni.

Krakkakort eru í boði með öllum farsímaáskriftum. Hægt er að fá allt að 11 Krakkakort.  Panta Krakkakort hérna.

Ef þú ert með barn eldri en 18 ára þá mælum við með ÞRENNU. Sjá nánar um ÞRENNU hérna.

Ef barnið þitt (18 ára og yngri) er ekki skráð fyrir Frelsisnúmerinu er hægt að fara á þjónustuvefinn og skrá númerið.  Í þessu tilfelli verður þú að fara inn á þjónustuvefinn með Frelsisnúmerinu eða Krakkakortinu (s.s. ekki inn á þinn aðgang) og færðu þá lykilorðið sent sem SMS í númerið.

Skrá Frelsisnúmer

Vegna kostnaðar sem getur hlotist af því að fara á netið í símanum erlendis er þak á slíkri notkun. Þakið á notkuninni er þrepaskipt og ættir þú að fá SMS skilaboð þegar 80% af því er náð, nema óskað hafi verið eftir öðru.

Hafa ber þó í huga að upplýsingar um gagnanotkun geta verið allt að einnar klukkustundar gamlar þegar þær berast og því möguleiki að reikningur verði hærri en sem nemur þak upphæð. Lokað verður fyrir gagnanotkun þegar eftirfarandi þrepum er náð:

Fyrsta þrep 9.000 kr.
Annað þrep 20.000 kr.
Eftir það er þakið hækkað í 30.000 kr., 45.000 kr og svo framvegis í 15.000 króna þrepum.

Hægt er að hækka þakið með því að hringja í þjónustuver Símans eða senda SMS í númerið 1900 með textanum REIKI. Ekki er hægt að opna fyrir ótakmarkaða reikinotkun, en mögulegt er að festa þak fyrir netnotkun í símanum í ákveðinni upphæð með því að hringja í þjónustuver eða koma í einhverja af verslunum Símans.